Nieuwsbericht -

Dia 1 sèptèmber 2017 tin reglanan di kompetensia nobo ku a drenta na vigor. E reglanan aki ta ankrá den Ordenansa enkuanto Kompetensia. Palabrashonnan entre empresarionan ku ta limitá kompetensia (kartel) i mal uso di ekonómiko ta prohibí. Tambe sierto fushon i traspaso/ kompra entre empresanan mester wòrdu notifiká adelantá na FTAC. Inkumplimentu ku e Ordenansa por resultá den un multa di 10% di e volúmen di benta anual total di e empresa.

Alberto (Chos) Romero, Presidente di FTAC: “ta importante pa empresanan konosé e reglanan nobo pa kompetensia hustu. Asina nan por evitá ku nan ta violá esakinan.

Meta di e Ordenansa enkuato Kompetensia ta pa mehorá bienestar di e konsumidó. Alberto (Chos) Romero: “kompetensia ta stimulá empresanan pa hasi lo máksimo pa mantené nan preisnan abou. Palabrashonan entre empresanan (kartel) riba por ehèmpel preis di benta o repartishon di klientela ta redusí kompetensia i netamente ta kausa subida di preis. P’esei nan ta prohibí. FTAC lo supervisá e kumplimentu ku e reglanan aki atentamente. Paso e konsumidó mester bai sinti ku eta bai dilanti.”

E reglanan nobo i un splikashon detayá ta riba e wepsait di FTAC www.ftac.cw. Empresanan por haña tambe informashon enkuantu petishon pa eksonerashon pa sierto palabrashonnan i e notifikashon di fushon. Si empresanan tin pregunta o kier entregá un keho kontra di un abusu di poder por akudí na FTAC. E trahadónan ta kla pa sirbi.

Fair Trade Authority Curacao ta alkansabel na:

Fair Trade Authority Curacao
Pietermaai 6
Postbus 136, Punda
Willemstad
T: +5999 461 00 67
E: info@ftac.cw