Fair Trade Authority Curaçao ke tuma tempu pa para ketu i wak bèk na e aña ku nos tin tras di lomba. E tabata un aña yen di oportunidat i desaroyo. Nos ke ekspresá nos sinsero gradisimentu na tur esnan ku a yuda nos i ku a hasi nos trabou posibel.
Esaki ta e di 5 aña ku Fair Trade Authority Curaçao ta aktivo. Nos lo no por a hasi esaki sin nos kolaboradornan.
Awor ku nos ta selebrando Pasku i tin bista riba e kambio di aña, nos ke deseá tur hende dushi dianan di fiesta. Nos deseonan ta bai partikularmente na e outoridatnan, organisashonnan, konsumidónan, instansianan di gobièrnu ku ta kolaborá ku nos, i na tur esnan ku di un manera òf otro a yuda nos sigurá kompetensia liber i asina protehá e interes general.
