Alberto (Chos) Romero a risibí dia 28 yüni 2019 riba su propio petishon un retiro honorabel komo presidente di direktiva di Fair Trade Authority Curacao (FTAC). Huntu ku e miembronan señor Roland (Rob) van den Bergh i señor Gerard Bakker, señor Romero a forma e promé direktiva di FTAC nombrá na 1 aprel 2017.
Señor Van den Bergh komo visepresidente lo remplasá señor Romero e temporada benidero. Lo bai yena e vakatura ku a surgi lo mas lihé posibel. FTAC ta gradisí señor Romero pa e trabou di pionero ku el a ehersé komo presidente di FTAC i ta dese’é hopi éksito ku su trabounan den futuro.
