Fair Trade Authority Curaçao

Fair Trade Authority Curaçao ta e outoridat independiente di kompetensia di Kòrsou. FTAC ta para pa kompetensia liber i sin limitashon. Esaki ta nifiká ku e kompetensia entre empresanan no ta wòrdu strobá i ku empresanan nobo por subi merkado sin opstákulo ku no ta na nodi. Den un merkado kompetitivo, empresanan ta hasi nan máksimo esfuerso pa kumpli ku e deseonan di e konsumidó. Esaki ta kontribuí na preisnan mas abou, mas eskoho, mihó servisio i produkto i servisionan inovativo. E konsumidó di Kòrsou ta probechá di e manera aki di e situashon.

Empresanan tambe ta benefisiá di e reglanan di kompetensia nobo. Por ehèmpel, komo kliente di otro empresanan, ta kumbiní nan pa kumpra na preis mas abou. Di e manera aki nan por produsí mas barata i nan posibilidatnan pa eksportá ta krese. Ademas, Pais Kòrsou ta bira mas interesante pa invershonistanan. Finalmente, esaki ta bon pa mas empleo riba nos isla.

E Ordenansa Nashonal enkuanto Kompetensia ta asigná FTAC komo supervisor di e reglanan pa kompetensia hustu i sin limitashon. E reglanan nobo di e Ordenansa Nashonal enkuanto Kompetensia ta na vigor, kuminsando 1 di sèptèmber 2017. FTAC ta aktua kontra empresanan ku ta stroba of limitá kompetensia.