dr. mr. Gerard Bakker, Miembro di direktiva
Gerard Bakker ta miembro di direktiva na Fair Trade Authority Curaçao. Banda di e funshon aki, e ta presidente ehekutivo for di 1 di desèmber 2014 na e ‘Sentral Opvang voor Asielzoekers’ (COA) na Hulanda. For di 2007 te ku 2014, el a ehekutá vários funshon serka e outoridat ‘Consument en Markt’ (anteriormente Nederlands Mededingingsautoriteit). Asina ei el a okupá e funshon di Direktor di Supervishon riba Kompetensia serka NMA i Direktor Kompetishon serka ACM.
Gerard Bakker tin konosementu amplio riba tereno di supervishon riba kompetensia, manera lokalisashon di kartelnan i mal uso di poder di empresanan. Promé ku su tempu serka NMA i ACM, e tabata duna guia na vários proseso di mantenshon serka Douane i e [Fiskale en Economische Opsporingsdienst (FIOD-ECD)], na Hulanda. Ku esaki, Gerard Bakker tin eksperensha balioso riba tereno di kumplimentu.
Gerard Bakker ta un spesialista riba tereno di impuesto i a promové na aña 2014 na Universidat di Gent riba un investigashon tokante inovashonnan den e kadena di kumplimentu, konsentrá riba dominio di kriminalidat finansiero-ekonómiko.