Dr. Miriëla G. L. Carolina, presidente suplente
Prome di ougùstùs 2022 a nombra Miriëla Carolina miembro i alabes presidente suplente di Fair Trade Authority Curaçao . Despues di a risibi su maestria den ekonometria Miriëla Carolina a traha komo analista ekonómiko i konsehero di maneho na Banko Sentral di Kòrsou i St. Maarten. Na 2016 Miriëla Carolina a risibí su doktorado na Tilburg University. Den su disertashon -titulá “The price-rigidity puzzle on a micro-island: The case of Curaçao.”- e ta deskribí e formashon di preis den e diferente sektornan di merkado kurasoleño. Miriëla Carolina tin eksperensia amplio riba e tereno di investigashon i análisis di e sektornan ekonòmiko di Kòrsou, tabata envolví den diferente komishon, i a yuda prepará vários plan di maneho. Ademas e tin eksperensia riba e tereno atministrativo. Miriëla Carolina tin un gran kantidat di publikashon akadémiko na su nòmber.