Den siman tras di lomba, e miembronan di FTAC, sra Miroslava Wedervoort i sr. Gerard Bakker, akompañá pa e direktor di FTAC, sra Varressa Elisabeth, a hasi algun bishita introduktorio.
Sr. Gerard Bakker, e miembro di FTAC residensia na Hulanda, a hasi su bishita di trabou na Kòrsou i FTAC a hasi uso di e oportunidat pa bishita diferente órgano di interes.
Djabièrnè 18 febrüari 2022 FTAC a hasi un bishita na Sociaal-Economische Raad (SER) pa sera konosí. Tantu FTAC komo SER a ekspresá e nesesidat di amplia lasonan di trabou ku otro órganonan di supervishon i konseho. FTAC ta investigá posibel violashonnan di e prohibishon di formashon di kartel i mal uso di poder ekonómiko. E investigashonnan aki tin un dimenshon sosial-ekonómiko. P’esei e dos partidonan ta mira un balor agregá den un relashon di koperashon. E Presidente de FTAC, sra. Miroslava Wedervoort, a hasi uso di e oportunidat pa entrega na SER e último relato anual di FTAC.
Dia 21 febrüari FTAC a hasi un bishita di trabou na e titular di Ekonomia, Minister Ruisandro Cijntje. E Minister di Desaroyo Ekonómiko ta responsabel pa e maneho di kompetensia i realisashon di den metanan ankra den esaki.
E enkuentro entre FTAC i Minister Cijntje tabata primordialmente den kuadro di e Outoridat pa Konsumidó (consumentenautoriteit) ku Minister kier establesé den futuro serkano i evaluashon di e Ordenansa enkanto Kompetensia ku mester tuma lugá e den 2022. Tambe a kombersá tokante e selebrashon di e promé lustro di FTAC. FTAC ta kompartí e entusiasmo di Minister Cijntje pa ku e proyektonan di FTAC pa e aña aki i e kontinuashon di e kolaborashon entre FTAC i MEO.
FTAC dia 22 febrüari 2022 a bishita Raad van Advies pa sera konosí. Raad van Advies tin komo tarea duna konseho na Gobièrnu riba proposishonnan di lei. E miembronan di FTAC i Raad van Advies a informá otro tokante nan tareanan i a interkambiá eksperensia.