Fair Trade Authority Curaçao (FTAC) a risibí 16 di novèmber 2017 un notifikashon tokante un tuma over. Den e notifikashon akí a indiká ku AFAS Software Caribbean B.V. ta haña poder di desishon total riba e derecho di propiedat intelektual di e paketenan di programa (software) PayTime, PeopleTime i Payslip Portal, desaroyá pa BearingPoint Caribbean. Huntu ku esaki AFAS Software Caribbean B.V lo tuma tambe tur kontrato di lisensia eksistente ku BearingPoint Caribbean tin ku kliente.
Despues di análisis hasí pa FTAC, a resultá ku e notifikashon di e tuma over hasí ta kai den e márgen di posibilidat di aplikashon di kapítulo 5 di Ordenansa Nashonal enkuanto Kompetensia.
E empresanan embolbí ta ehekutá e siguiente aktividatnan:
- AFAS Software Caribbean: entrega di produkto i servisio riba tereno di programa di atministrashon pa empresa manera HRM, Payroll, CRM i maneho empresarial;
- PayTime: programa pa hasi atministrashon di salario;
- PeopleTime: programa pa hasi atministrashon di personal; i
- Payslip Portal: programa pa pone disponibel riba ret (online) e slep di salario i impuesto di salario.
E notifikashon di konsentrashon akí ta publiká den Curaçaosche Courant di 6 di yüli 2018, konforme artíkulo 5.4 di tres insiso di Ordenansa Nashonal enkuanto Kompetensia.