Klek akí pa e rapòrt di konseho (na hulandes). E lei i regulashon di mas importante relashoná ku regulashon di preis di asfalt ta den e balki di informashon na banda.
Fair Trade Authority Curaçao (FTAC) a risibí 4 di òktober 2017 un petishon pa konseho, den sentido di artíkulo 2.17 di Ordenansa Nashonal enkuanto Kompetensia. Ministerio di Desaroyo Ekonómiko a entregá e petishon pa konseho na FTAC. Den e petishon akí a pidi FTAC pa duna konseho riba e efekto ku ta spera pa kompetensia den merkado di asfalt den kaso ku anulá aktual regulashon di preis.
FTAC ta konsehá pa no anulá e preis máksimo di asfalt den e añanan benidero. FTAC ta di opinion ku merkado di asfalt na e momentunan akí no ta kla pa distansiá for di regulashon di preis. Un motibu kardinal pa esaki ta ku, aktualmente ta eksistí e riesgo ku e sentralnan di asfalt ta sinkronisá nan komportashon di merkado pa kompetí masha poko, òf keda sin kompetí ku otro. Si esaki ta realmente ta e kaso, e ora ei e merkado ta funshoná manera un monopolio. Pues, na momentu ku eventualmente distansiá for di e regulashon di preis di asfalt, probablemente e preisnan lo subi konsiderabelmente.
Si FTAC ta konsehá pa modernisá e regulashon di preis di asfalt. Konsiderando ku e método pa stipulá e preis máksimo di asfalt no a kambia for di aña 1995 i stipulashon di e preis máksimo ta basá aktualmente riba e preis di bitumen (breu) i kalksteen (klep). Tambe mester tene na kuenta otro desaroyonan manera bahada di demanda pa asfalt, ku no tin efekto riba kon haltu e preis máksimo ta. Aserka, e método no ta kontené impulso direkto pa un sentral di asfalt produsí na un manera mas inovativo i efisiente.