Eksonerashon di e prohibishon pa forma kartel

Palabrashonnan ku ta limitá kompetensia ku no ta kai bou di e kategoria di infrakshonnan ‘grave’, posiblemente por kontribuí, di forma positivo, na desaroyo ekonómiko di Kòrsou. Empresanan ku a traha e sorto di palabrashonnan aki por hasi un petishon na FTAC pa eksonerashon di e prohibishon pa forma kartel. FTAC lo evaluá si e bentahanan di e palabrashon ta superá e desbentahanan.

Den e petishon, e empresanan konserní mester prueba ku nan ta kumpli ku tur e kriterionan di eksonerashon ku ta pará aki bou:

1. E palabrashon mester kontribuí na mehorashon di e produkshon òf distribushon òf en todo kaso pa promovéun adelanto tékniko/ekonómiko.
2. E benefisionan ku ta originá for di e palabrashon mester benefisiá e usuarionan di un parti rasonabel di e resultadonan final.
3. E kompetensia no tin mag di wòrdu limitá mas ku ta estriktamente nesesario.
4. Riba merkado mester keda sufisiente kompetensia.

Un eksonerashon otorgá tin forsa rétroaktivo te na momentu di e petishon. Un eksonerashon ta aplikabel pa un sierto tempu i por wòrdu ampliá riba petishon di e empresanan en kestion.

Bo por pidi un eksonerashon dor di yena e formulario “Petishon pa Eksonerashon di e Prohibishon pa Forma Kartel”