Tareanan

Kuminsando 1 di sèptèmber 2017, e reglanan di kompetensia ta konta pa tur empresa nashonal i internashonal ku ta aktivo riba merkado di Kòrsou. E reglanan aki, ku ta registrá den e Ordenansa Nashonal enkuanto Kompetensia [Landsverordening inzake concurrentie]. E Ordenansa Nashonal aki ta kontené e siguiente reglanan pa empresa:

  1. prohibishon pa forma kartel;
  2. prohibishon di mal uso di poder;
  3. obligashon pa avisá ora ta trata di sierto konsentrashonnan

E reglanan mester sòru pa mas kompetensia na Kòrsou. Di e manera aki preisnan por baha, i bienestar, invershon i empleo tambe por krese. Pero tambe e posishon kompetitivo (internashonal) di e mundu empresarial ta mehorá dor di esei.

Fair Trade Authority Curaçao ta mantené kontrol riba kumplimentu ku e Ordenansa Nashonal enkuanto Kompetensia.

Supervishon
Basá riba kehonan, konseho òf señalnan, FTAC por kuminsá ku un investigashon riba posibel infrakshon di e reglanan aki. FTAC por kuminsá tambe riba su propio inisiativa ku un investigashon. Ademas, FTAC ta realisá investigashon di merkado pa pone e kompetensia den un sektor di e ekonomia di Kòrsou riba mapa. Ku e investigashonnan di merkado aki, FTAC por duna rekomendashonnan pa oumentá kompetensia. Finalmente FTAC por duna, sea riba petishon òf no, konsehonan na Gobiernu tokante lei i regulashonnan nobo ku ta di influensha riba kompetensia.

Outoridat
Pa ehekushon di su tareanan, FTAC tin diferente outoridat pa investigá. Por ehèmpel, dokumentonan komersial di un empresa (òf asosiashon di empresarionan) por wòrdu solisitá i tambe un investigashon por tuma lugá serka un empresa mes. (Èks) Empleadonan di un empresa por wòrdu tendé dor di FTAC.

Mantenshon den kaso di inkumplimentu ku e reglanan
Ora ta trata di infrakshon di e reglanan di e Ordenansa Nashonal, FTAC por imponé riba e empresa(nan) en kestion un enkargo, un instrukshon obligatorio òf un but. but por subi te ku un mion florin antiano, òf, si esaki ta mas, dies porshento di e ingreso anual total di un empresa.

Ademas, FTAC por imponé un but riba personanan ku por wòrdu tené responsabel – kier men, ta wòrdu konsiderá komo e dunadónan di e enkargo òf ehekutor real- pa un infrakshon.

Tambe FTAC por imponé un but ora ta trata di suministrashon di informashon inkorekto òf engañoso, ora no koperá ku un investigashon òf ora ta trata di un infrakshondi no kumplimentu ku e deber di mèldu konsentrashonnan. E butaki por subi te un mion florin antiano, òf, si esaki ta mas, un porshento di e volúmen di benta total anual di un empresa.

Koperashon
E Ordenansa Nashonal enkuanto Kompetensia ta ofresé un base hudisial pa FTAC por traha huntu ku otro supervisornan nashonal i internashonal. FTAC ta konsiderá e koperashon aki importante pa ehekutá su tareanan efisiente i efikasmente.

Klek pa un splikashon riba e siguiente tópikonan: